निर्वाचन आयोगले निर्वाचनको कार्यक्रम तालिका सार्वजनिक गरको छ।

आयोगले सार्वजनिक गरेको तालिका अनुसार आश्विन २३ गते बिहान १० बजेदेखि साँझ ५ बजेसम्म सम्बन्धित निर्वाचन कार्यालयमा उम्मेदवारको मनोनयन दर्ता गर्न सकिने छ र सोहि दिन आयोगले उम्मेदवारहरुको नामावली प्रकाशन गर्ने छ।

आश्विन २४ गते उमेद्वारहरुको विरुद्द उजुरी दिन सकिने निर्वाचन आयोगले जनाएको छ भने, २४ गते र २५ गते मनोनयन र उजुरी उपर छानविन गरि २५ गते राति ७ बजेसम्म आयोगले उम्मेदवारहरुको नामावली सार्वजनिक गर्नेछ।

आफ्नो उम्मेद्वारी फिर्ता गर्न चाहने उम्मेदवारहरुको लागि २६ गते बिहान १० बजेदेखि दिउँसो १ बजेसम्मको समय निर्धारण गरिएको छ। त्यसैगरी, २६ गते ३ बजेसम्म आयोगले उम्मेदवारहरुको अन्तिम नामावली प्रकाशन गर्ने र २६ गते नै राति ७ बजेभित्र उम्मेदवारहरुलाई निर्वाचन चिन्ह उपलब्ध गराउने आयोगले जनाएको छ।

आयोगले सार्वजनिक गरेको निर्वाचन कार्यक्रम तालिका अनुसार मंसीर ४ गते बिहान ७ बजेदेखि साँझ ५ बजेसम्म मतदान प्रक्रिया जारी रहने छ।