डिन आर थम्प्सन नेपालका लागि अमेरिकी राजदूतमा नियुक्त भएका छन् ।

वैदेशिक विभागमा करीब तीन दशक काम गरेका थम्प्सन नेपालका लागि राजदूतको रूपमा नियुक्त गरिएको हो। शुक्रबार वासिङ्टन डिसीमा शपथ ग्रहण गरेका थम्प्सन पूर्व राजदूत र्यान्डी बेरीकाे स्थानमा आउन लागेका हुन् ।

अमेरिकी स्टेट डिपार्टमेन्टको दक्षिण तथा मध्य एसियाली मामिलासम्बन्धी प्रमुख उपसहायक सचिवको रूपमा काम गरेका डीन आर. थम्पसनले सन् २०२० देखि २०२१ सम्म सोही क्षेत्रमा कार्यवाहक सहायक सचिवको भूमिकामा रहेर काम गरेका थिए। थम्पसन मलेसियाको क्वालालम्पुरस्थित अमेरिकी दूतावासका डेपुटी चिफ अफ मिसन र रोमानियाको बुखारेस्टमा रहेको अमेरिकी दूतावासको डेपुटी चिफ अफ मिसन र चार्ज डी अफेयर्सको रुपमा पनि कार्यरत थिए।

थम्पसनले भारतको कोलकातामा रहेको अमेरिकी महावाणिज्य दूतावासका महावाणिज्य दूतका रुपमा पनि कार्य गरेका छन्। उनले अमेरिकी दूतावास,श्रीलंकाको आर्थिक सल्लाहकार र अमेरिकी दूतावास पाराग्वे र बंगलादेशमा रहेर पनि काम गरेका छन्।

नेशनल वार कलेजमा विद्यार्थीको रूपमा राज्य विभागको प्रतिनिधित्व गरेका थम्प्सनले राज्य विभागको कार्यकारी सचिवालय स्टाफको निर्देशक, राज्य विभाग अपरेशन सेन्टरको उपनिर्देशक, अपरेशन सेन्टर क्राइसिस म्यानेजमेन्ट स्टाफको निर्देशक र कार्यकारी सचिवालयको लागि सूचना स्रोत व्यवस्थापनका लागि उपनिर्देशकको रूपमा समेत काम गरेका छन्।

नव नियुक्त राजदुत थम्प्सन केही दिनमा काठमाडौं आउने बताइएको छ ।