चितवनमा नेपाली काँग्रेस भुइँकटहर समुहको चुनावी अभियान: दशैंको शुभकामाना र चियापान कार्यक्रम

  • नेपाल राष्ट्रिय दैनिक
  • १४ आश्विन २०७९, शुक्रबार १७:५१
bhuikatahar scaled

नेपाली काँग्रेसका नेता कार्यकर्ताहरुले रुख चिन्हमा मतदान गर्न पाउनुपर्छ भन्दै स्थानिय निर्वाचनमा पार्टी केन्द्रिय कमिटिको गैर जिम्मेवारीपूर्ण निर्णयको अवज्ञा गरेर कांग्रेस बचाउ अभियानका साथ चुनावी प्रतिस्पर्धामा उत्रिएको नेपाली काँग्रेसको भुइँकटहर समुहले आज पश्चिम चितवनको चनौलिमा दशैँको शुभकामना आदान-प्रदान तथा चियापान कार्यक्रम सम्पन्न गरेको छ।

उक्त कार्यक्रममा उपस्थित जनसमुदायबीच आगामी निर्वाचनको तयारीका सन्दर्भमा विचार विमर्श तथा अन्तरक्रिया समेत गरिएको आयोजक समितिले जनाएको छ।

स्थानिय निर्वाचनमा भरतपुर महानगरमा मेयरको उम्मेद्वारी दिनुभएका काँग्रेस नेता जगन्नाथ पौडेल, चितवन जिल्लाका पूर्व पार्टी सभापति कृष्णलाल सापकोटा, काँग्रेस नेता भिम बहादुर गुरुङ , शम्भु भण्डारी, तरुणदल चितवनका पूर्व सचिव आनन्द राउत र २०७४ को निर्वाचनमा काँग्रेसको तर्फबाट चितवन क्षेत्र नम्बर ३ बाट स्वतन्त्र उम्मेद्वारी दिएका प्रवेश अधिकारी लगायतको उपस्थिति रहेको थियो।

कार्यक्रमलाई सम्बोधन गर्दै नेता पौडेलले आगामी निर्वाचनमा कसरि अगाडी बढ्ने भन्ने विषयमा आफ्नो विचार राख्दै चुनाब जित्नको लागि आवश्यक रणनीतिहरुको बारेमा छलफल गर्नुभएको,आयोजक, नेपाली काँग्रेस सुदृढिकरण अभियानले जनाएको छ । नेपाली काँग्रेस भएर रुखमा भोट हाल्न पाउने वातावरणको निर्माण गर्न र पार्टी सुध्रिढिकरणको लागि सुरुवात गरिएको अभियानप्रति चितवनका काँग्रेसीहरुको साथ बढ्दै गएको र स्थानिय निर्वाचनपछि झन् धेरै कांग्रेसीहरु खुलेर आफ्नो अभियानको पछाडी जोडिएको भन्दै, आगामी निर्वाचनमा गठबन्धनका उम्मेदवारको पराजय निश्चित भएको पनि उहाँले बताउनुभएको थियो ।

नेपाली काँग्रेस चितवनका पूर्व पार्टी सभापति कृष्णलाल सापकोटाले पनि,चुनाब आफ़ुहरुलेनै जित्ने दावी गर्दै, प्रजातन्त्र र देशका खातीर छातीमा गोलि थाप्न र जेल जान तयार चितवनका काँग्रेसले नै अब चितवन काँग्रेसको रक्षा गर्ने जिम्मेवारी बोकेर अगाडी बढ्नु पर्ने बताउनुभएको थियो ।

बीपीको आदर्श र नेपाली कांग्रेसको सिद्दान्तको धज्जी उडाएर, हिजो काँग्रेसप्रति आस्था राखेकै भरमा नेपाली कांग्रेसका नेता कार्यकर्तालाई छानीछानी कुट्ने र मार्ने माओवादीसँग स्वार्थपूर्ण गठबन्धन गरेर पार्टी सभापति देउवाले नेपाली काँग्रेसप्रति आस्था राख्ने तमाम नेपालीको आस्थामाथि प्रहार गरेको, नेपाली काँग्रेस सुध्रिढिकरण अभियान चितवनले बताएको छ।

Share :
cabinet oli

ओली सरकारको २२ सदस्यीय नयाँ मन्त्रिपरिषद गठन

काठमाडौं - प्रधानमन्त्री केपी शर्मा ओलीले २२ सदस्यीय मन्त्रिपरिषद गठन गरेका छन् । नवनियुक्त मन्त्रीहरुले प्रधानमन्त्रीको सपथ लगत्तै पद तथा गोपनियताको शपथ लिएका छन् । ओली सरकारको २२ सदस्यीय नयाँ मन्त्रिपरिषदमा मन्त्रीहरुको कार्यविभाजन यसप्रकार रहेको छ- १‍. केपी शर्मा ओली, प्रधानमन्त्री २. प्रकाशमान सिंह, उपप्रधान तथा सहरी विकास ३. विष्णु पौडेल, उपप्रधान तथा अर्थ ४. पृथ्वीसुब्बा गुरुङ, सञ्चार तथा सूचना[...]

  • नेपाल राष्ट्रिय दैनिक
  • २०७८-०६-०४ , ०९:४५