काठमाडौंको गोठाटारमा लाल मोहम्मद अन्सारीको गोली हानी हत्या गर्ने समूहका तीन जनालाई प्रहरीले सार्वजनिक गरेको छ ।

प्रहरीले सार्वजनिक गरेका तीनजनामा वीरगञ्ज महागरपालिका १६ का २१ वर्षीय महोरम मियाँ, वीरगञ्ज महानगरपालिका १५ का १९ वर्षीय रेहान मियाँ र मकवानपुर बकैया गाउँपालिका १ की सुमी भनिने सुस्मिता स्याङताङ रहेका छन् । हत्या योजना बनाएको र हतियार व्यवस्थापनमा सहयोग गरेको भन्दै प्रहरीले उनीहरुलाई पक्राउ गरेको जनाइएको छ। पक्राउ परेकाको बयानको आधारमा थप अनुसन्धान अगाडी बढाउने प्रहरीले जनाएको छ।

आश्विन ३ गते मोटरसाइकलमा आएका २ जनाले गोली प्रहार गरि लाल मोहम्मदको हत्या गरेका थिए।