ग्लोबल पब्लिक अफेयर्सकी कार्यवाहक सहायक सचिव एलिजाबेथ केनेडी ट्रुडो काठमाडौं आइपुगेकी छन् ।

सेप्टेम्बर २८ देखि अक्टोबर ९, २०२२ सम्मको उनको १२ दिने अन्तर्राष्ट्रिय भ्रमणमा उनले नेपाल लगायत, संयुक्त अरब इमिरेट्स, उज्वेकिस्तान र किर्गिज गणतन्त्रको पनि भ्रमण गर्नेछिन्।

नेपाल भ्रमणको क्रममा उनले रुस र जनवादी गणतन्त्र चीनद्वारा फ़ैलाइएको गलत सूचना,सामाजिक समानता, मिडिया स्वतन्त्रता र वातावरण लगायतका मुद्दामा अन्तरक्रिया गर्ने बताइएको छ ।

उनले सरकारी अधिकारीहरू र नागरिक समाज संगठनहरू, विदेशी मिडिया आउटलेटहरू, प्रेस, पत्रकारहरू र अमेरिकी कूटनीति नियोगहरुसँग भेट गर्ने पनि बताइएको छ।