राष्ट्रिय क्रिकेट टिमका निलम्बित कप्तान सन्दीप लामिछानेविरुद्ध इन्टरपोलले ‘डिफ्युजन नोटिस’ जारी गरेको छ ।

अन्तर्राष्ट्रिय प्रहरी संगठन इन्टरपोलले लामिछानेलाई फरारको सूचीमा राख्दै डिफ्युजन नोटिस जारी गरेको हो ।इन्टरपोलले जारी गरेको ‘डिफ्युजन नोटिस’ पश्चात इन्टरपोलमा आवद्ध रहेका राष्ट्रहरुले सन्दिप लामिछाने उक्त देशमा रहे नरहेको अनुसन्धान गरी, फेला पारेमा पक्राउ गरेर नेपाल पठाउनेछ।

सन्दिप लामिछाने विरुद्ध बलात्कारको आरोपमा प्रहरीमा जाहेरी परेपछि क्यारेबियन लिग खेल्न देश बाहिर गएका लामिछाने नेपाल नफ़र्किएपछि र कहाँ रहेको भन्ने कुनै खबर नभएपछि प्रहरीले उनलाई फरारको सूचीमा राखेको हो ।

काठमाडौं जिल्ला अदालतले भाद्र २३ गते लामिछाने विरुद्ध पक्राउ पुर्जी जारी गरेको थियो।