हंगेरीका प्रधानमन्त्री भिक्टर ओर्बानले रुसमाथि युरोपेली संघले लगाएको प्रतिबन्धले रुसको सट्टा युरोपलाई नै असर गरेको बताएका छन् । रुसमाथिको प्रतिबन्धले नै युरोपमा उर्जाको मूल्य र उर्जा सङ्कट बढाएको ओर्बनले बताएका छन् ।

संसदलाई सम्बोधन गर्दै प्रधानमन्त्री ओर्बानले रुसमाथि युरोपेली संघले लगाएको प्रतिबन्धको आलोचना समेत गरेका छन्। इटालीमा भएको निर्वाचनलाई इङ्गित गर्दै, उर्जा सङ्कट र आर्थिक मन्दीकाबीच युरोपमा सरकारहरू असफल भएर टुट्दै गएको उनले बताए ।

युद्ध अझै लम्बिने सम्भावना रहेकाले हरेक परिस्थितिको सामना गर्न सरकार तयार रहनुपर्ने पनि उनले बताएका छन् ।