अर्थ मन्त्रालयले कोरोना बिमा दाबी भुक्तानीका लागि आइतबार एक अर्ब रुपैयाँ निकासा गरेको छ।

मन्त्रिपरिषदको निर्णयपछि अर्थ मन्त्रालयले कोरोना दाबी भुक्तानीका लागि आइतबार एक अर्ब रुपैयाँरकम निकासा गरेको हो।करिब एक वर्ष भन्दा बढी अवधिदेखि बिमा दाबि गरेका बिमितहरूमध्ये पनि,कोरोना लागेपछि पर्न आएको दाबी समयावधिलाई प्राथमिकतामा राखेर रकम भुक्तानी गर्ने बिमा समितिले जनाएको छ । जस अन्तर्गत दशैं पछि करिब १५ हजार जनाले भुक्तानी पाउनेछन्।

अघिल्लो असार मसान्तसम्म १ लाख ६१ हजार ५ सय ४९ जनाको,१५ अर्ब ३२ करोड २० लाख ९२ हजार रुपैयाँ हाराहारीमा दाबी परेकोमा,सरकारको दायित्वमा ११ अर्ब ८२ करोड २० लाख ९२ हजार ६ सय ३६ रुपैयाँ हाराहारीको दाबी रकम रहेको बिमा समितिले जनाएको छ । समितिका अनुसार बिमा जारी अवधिभर कोरोना बिमा गर्नेको संख्या १७ लाख ५८ हजार ३ सय ४३ जना रहेको र उक्त बिमालेखबापत कम्पनीले १ अर्ब ५ करोड ५ लाख २७ हजार ६ सय ७६ रुपैयाँ बिमाशुल्क संकलन गरेको थियो।

धेरै जनाले कोरोना बिमा गरेकाले बिमा कम्पनीलाई घाटा लाग्ने देखिएपछि सरकारले नै कोरोना बीमालाई निरन्तरता दिन दायित्व बाँटफाँट गर्ने गरि कार्यविधि तयार गरेको थियो ।