सिरियामा आप्रवासी र शरणार्थी बोकेको डुङ्गा डुब्दा ७० भन्दा बढीको मृत्यु

  • नेपाल राष्ट्रिय दैनिक
  • ७ आश्विन २०७९, शुक्रबार १७:१५
boat illegal immigrants

लेबनानका आप्रवासी र शरणार्थीहरू बोकेको डुङ्गा सिरियाको तटमा पल्टिँदा दर्जनौं व्यक्तिको मृत्यु भएको छ।

लेबनानी यातायात मन्त्रीले उक्त घटनामा अहिलेसम्म ७१ जनाको मृत्यु भएको जनाएका छन्। उक्त डुंगामा करिब १२० देखि १५० जना सवार थिए भन्ने जानकारीको आधारमा उद्दार तथा खोजि कार्य जारी रहेकोले मृतकको संख्या थप बढ्न सक्ने उनले बताएका छन्।सिरियाली बन्दरगाहका महानिर्देशक समेर कुब्रुस्लीले तेज हावा र सामुन्द्रिक छालाको कारण उद्धार कार्यमा कठिनाइ भएको बताएका छन् ।

उक्त दुर्घटनाबात उद्दार गरिएका २० जनाको टार्टोसको बासेल अस्पतालमा उपचार भइरहेको सिरियाली सरकारले जनाएको छ।

लेबनानको जनसङ्ख्या छ लाख छ, जसमा १० लाख सिरियाली शरणार्थीहरू छन्, र २०१९ को अन्त्यदेखि गम्भीर आर्थिक मन्दीको चपेटामा परेको छ जसले जनसंख्याको तीन चौथाइभन्दा बढीलाई गरिबीमा तानेको छ। त्यसैले हजारौं लेबनानी, सिरियाली र प्यालेस्टाइनीहरूले युरोपमा राम्रो अवसरहरूको खोजीमा विगत केहि महिना यता अवैध रुपमा युरोप छिर्ने गरेका छन्।

गत अप्रिलमा पनि दर्जनौं लेबनानी, सिरियाली र प्यालेस्टाइनीहरूलाई समुन्द्री मार्गबाट ​​इटली लिएर जाँदै गरेको एउटा डुङ्गा, लेबनानी नौसेनासँगको भिडन्तपछि दुर्घटनामा परेर दर्जनौंको ज्यान गएको थियो ।

त्यसैगरी बिहिबार पनि लेबनानी अधिकारीहरूले ५५ आप्रवासी र शरणार्थीहरू बोकेको डुङ्गालाई अक्करको उत्तरी क्षेत्रको तटबाट उद्धार गएको थियो।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५