न्यूयोर्कमा संयुक्त राष्ट्रसंघको महासभालाई सम्बोधन गर्दै, सर्बियाका राष्ट्रपति अलेक्सान्डर भुकिकले सर्बियाको सार्वभौमसत्ताको उल्लङ्घन गरेको भन्दै संयुक्त राष्ट्रसंघ र पश्चिमा राष्ट्रहरूको निन्दा गरेका छन् ।

संयुक्त राष्ट्रसंघ र पश्चिमी देशहरूले कोसोभोको स्वतन्त्रतालाई अनुमोदन गरेको प्रसङ्गमा,युक्रेन र सर्बियाको क्षेत्रीय अखण्डतामा फरक दृष्टिकोण राख्नुको कारणबारे संयुक्त राष्ट्रसंघ र पश्चिमा राष्ट्रहरूले जवाफ दिन असफल भएको उनले बताएका छन् ।

सन् १९९९ मा युगोस्लाभियामा नाटोले गरेको बमबारीलाई उल्लेख गर्दै , सर्बियाको क्षेत्रीय अखण्डताको उल्लङ्घनबारे संयुक्त राष्ट्रसंघ र पश्चिमा राष्ट्रहरूले जवाफ दिनुपर्ने र युक्रेन र सर्बियाको सार्वभौमसत्ता र क्षेत्रीय अखण्डतामा के भिन्नता छ भनेर हामीले वर्षौंदेखि सोध्दै आएका प्रश्नको स्पष्ट जवाफ दिनुपर्ने उनले बताएका छन्।

तत्कालीन युगोस्लाभिया विरुद्ध ७८ दिने बमबारी अभियान पछि नाटोले १९९९ मा कोसोभोलाई कब्जा गरेको थियो। पश्चिमी समर्थनमा २००८ मा कोसोभोले आफुलाई स्वतन्त्र घोषणा गरेको थियो जसलाई अमेरिका र उसका अधिकांश सहयोगी राष्ट्रहरूले मान्यता दिएका थिए।