निर्वाचन आयोगले आजदेखि आजदेखि अस्थायी मतदाता नामावली संकलन कार्य सुरु गरेको छ। अस्थायी मतदाताले समानुपातिकतर्फ मात्रै मतदान गर्न पाउनेछन्।

आफ्नो मतदाता नामावली रहेको पालिकामा पुग्न नपाउनेहरुका लागि निर्वाचन आयोगले अस्थायी मतदाता नामावली संकलन कार्य सुरु गरेको हो।

निर्वाचन आयोगका अनुसार सरकारी कर्मचारी, व्यारेकमा रहेका नेपाली सेना, नेपाल प्रहरी, सशस्त्र प्रहरी, कारागारमा रहेका थुनुवा कैदी निर्वाचन कार्यमा खटिएका कर्मचारी र सुरक्षाकर्मी, सरकारबाट स्वीकृत लिई सञ्चालन भएको वृद्धाश्रममा बसेका व्यक्तिहरुले आफू बसेकै ठाउँबाट अस्थायी मतदाताका रुपमा समानुपातिकतर्फ मतदान गर्न पाउने जनाएको छ।

अस्थायी मतदातालाई कार्यस्थलबाटै समानुपातिकतर्फ मतदान गर्न मिल्ने गरि नामावली सङ्कलन गरिने र अस्थायी मतदाता नामावलीमा नाम समावेश हुन, आयोगवाट स्वीकृत अन्तिम मतदाता नामावलीमा नाम समावेश भएको हुनुपर्ने आयोगले जनाएको छ।