चाइनिज पिपुल्स एसोसियसन फर पिस एन्ड डिसआर्मामेन्टद्वारा आयोजित कार्यक्रममा भिडियोमार्फत सम्बोधन गर्दै राष्ट्रपति भण्डारीले, नेपालले सबै देशसँग समान रुपमा मित्रवत सम्बन्ध राख्न चाहेको र कुनै पनि सैन्य गठबन्धनमा भाग नलिने समेत बताउनुभएको छ।

राष्ट्रपति विद्यादेवी भण्डारीले नेपालको परराष्ट्र नीति असंग्लनता, पञ्चशीलको सिद्धान्त र पारस्परिक लाभमा आधारित रहेको समेत बताउनुभएको छ।

राष्ट्रपति भण्डारीले विश्व शान्ति तथा निशस्त्रीकरणको कामनासहित, विश्व शान्ति स्थापनाका लागि आर्थिक रुपमा कमजोर र गरिबीको चपेटामा परेका देशलाई अन्तर्राष्ट्रिय समुदायले सहयोग गर्नुपर्ने बताउनुभएको थियो।

राष्ट्रपति भण्डारीले भगवान् गौतम बुद्धको जन्मस्थल नेपालबाट अन्तर्राष्ट्रिय समुदायलाई शान्ति दिवसका शुभकामना समेत दिनुभएको , राष्ट्रपति कार्यालयले जनाएको छ।