ग्रीसका पूर्वप्रधानमन्त्री तथा वर्तमान विपक्षी दलका नेता एलेक्सिस सिप्रासले युक्रेन र रुसबीच जारी द्वन्द्वमा युक्रेनबाहेक दोस्रो ठूलो हार व्योहोर्नेमा युरोपियन युनियन रहेको र युक्रेन संकट जारी रहेमा यसले युरोपियन युनियनको पतन निम्त्याउन सक्ने बताएका छन्।

एक कार्यक्रमकाबिच पत्रकार सम्मेलनलाई सम्बोधन गर्दै, युक्रेन र रुसबिचको द्वन्द लम्ब्याएर, अमेरिकाले आर्थिक र भू–रणनीतिक रूपमा नहारेको,तर युक्रेन र रुसबीच चलिरहेको द्वन्द्वमा आर्थिक र भू-रणनीतिक दुवै रूपमा युरोपियन युनियनले नराम्रो पराजय भोग्नु परेको उनले बताएका छन्। साथै, यो टकरावकाबीच आर्थिक रुपमा रुसले पनि नहारेको, बरु रुबल झन-झन बलियो बन्दै गएको उनले बताएका छन्।

युक्रेनका जनतासँग आफ्नो ऐक्यबद्धता व्यक्त गर्दै , अब ईयूले नै युद्ध अन्त्य गर्न सबै प्रयत्न गर्नुपर्ने उनले बताएका छन्। यस युद्दमा युरोपियन युनियनले हारेको र युनियनको नेतृत्व, दूरदृष्टि र रणनीतिको अभावले यो सब भएको सिप्रासले दावी गरेका छन्।

रुस विरुद्ध लगाइएको आर्थिक नाकाबन्दी र प्रतिबन्धहरू के साँच्चिकै सहि साबित भएको छ?, या हामी आफ्नो खुट्टामा आँफै बन्चरो प्रहार गर्दैछौं भन्ने प्रश्न गर्दै, उनले आर्थिक नाकाबन्दी र प्रतिबन्धहरुबारे पुन: मूल्याङ्कन गर्न आवश्यक रहेको बताएका छन्।
युद्द लम्ब्याउने तिर नलागी,युरोपियन युनियनले आफ्नो स्वार्थको रक्षा नगरेसम्म सिङ्गो युरोपियन युनियनको अस्तित्व समस्यामा पर्ने उनले बताएका छन्।