राष्ट्रपति कार्यालयले राष्ट्रपति र शितल निवासको नाम जोडेर कुनै पनि किसिमको भ्रामक समाचारहरु प्रकाशन-प्रशारण नगर्न आग्रह गरेको छ।

राष्ट्रपति र शितल निवासको नाम जोडेर विभिन्न किसिमका भ्रामक समाचारहरु प्रकाशन-प्रशारण भइरहेको घटनाप्रति आपत्ति जनाउंदै राष्ट्रपति कार्यालयले आज एक विज्ञप्ति जारी गरेको छ। राष्ट्रपति कार्यालयबाट भए गरेका काम कारवाही नियमित रुपमा विज्ञप्ति मार्फत जाकारी गराइरहेको भन्दै, आधिकारीक व्यक्तिसँग बुझेर मात्र समाचार प्रकाशन-प्रशारण गरिदिन आग्रह गरेको छ।

राष्ट्रपति कार्यालयका प्रवक्ता सागर आचार्यद्वारा जारी विज्ञप्तिमा,यस कार्यालय र सम्माननीय राष्ट्रपतिज्यूलाई जोडेर विभिन्न किसिमका भ्रामक समाचारहरू प्रकाशन भइरहेको देखिएको हुँदा आधिकारीक व्यक्तिसँग बुझी यथार्थ समाचार प्रकाशन र प्रसारण गरिदिनुहुन अनुरोध छ,’ भनि उल्लेख गरिएको छ।