आगामी प्रतिनिधिसभा र प्रदेशसभाको निर्वाचनका लागि न्याय परिषद् तथा न्याय सेवा आयोगले सरकारलाई मुख्य निर्वाचन अधिकृत र निर्वाचन अधिकृतको नाम सिफारिस गरेको छ।

न्याय परिषद्ले जिल्ला न्यायाधीशलाई मुख्य निर्वाचन अधिकृत र न्याय सेवाका राजपत्रांकित द्वितीय श्रेणीका अधिकृतलाई निर्वाचन अधिकृतका रूपमा सिफारिस गरेको छ ।

न्याय परिषद् तथा न्याय सेवा आयोगले जगेडा सहितका ९४ जना जिल्ला न्यायाधिशलाई मुख्य निर्वाचन अधिकृत , न्याय सेवाका राजपत्रांकित द्वितीय श्रेणीका ८८ जना अधिकृतलाई निर्वाचन अधिकृत र २० जनालाई जगेडा निर्वाचन अधिकृतको रुपमा सिफारिस गरेको छ।