प्रधानमन्त्री कार्यालय हंगेरीका मन्त्री गेर्गेली गुल्यासले रुस युक्रेन द्वन्द्वबारे आफ्नो धारणा राख्दै, रुसले चाहेमा युक्रेन विरुद्ध कुनैपनि बेला विजय घोषणा गर्न सक्ने बताएका छन्।

रुस र युक्रेन दुवैलाई युद्धको वर्तमान अवस्थाबाट बाहिर निस्कन गाह्रो भइरहेको भएपनि रुसले चाहेमा कुनै पनि बेला युक्रेन विरुद्ध विजय प्राप्त गर्ने सक्ने गुल्यासले बताएका छन्। रुस विरुद्दको प्रतिवन्धले रुसलाई घाटा हुनुको सट्टा नाफा भैरहेको भन्दै उनले नाटोलाई प्रत्यक्ष रुपमा संलग्न नहुन चेतावनी समेत दिएका छन्। युरोपियन युनियनका नीतिहरूले रुस युरोपबाट टाढा हुँदै एसियासँग नजिक भएको समेत बताएका छन्।

युक्रेनमा रुसको सैन्य कारबाहीको निन्दा गर्दै गर्दा,राष्ट्रिय हित विपरित हंगेरीले मस्कोमा कुनैपनि किसिमको प्रतिबन्ध लगाउन तयार नरहेको पनि बताएका छन्।

युक्रेनले विगतमा युक्रेनी विद्यालयहरूबाट अल्पसंख्यक भाषाहरू हटाउँदै हंगेरीसंग भेदभावपूर्ण व्यबहार गरेको समेत आरोप लगाएका छन्।