निर्वाचन आयोगले एक विज्ञप्ति जारी गर्दै मतदाताहरुको अन्तिम नामावली.मतदान स्थल र मतदान केन्द्रहरुको विवरण सार्वजनिक गरेको छ।

आगामी प्रतिनिधिसभा र प्रदेशसभा निर्वाचनका लागि १ करोड ७९ लाख ८८ हजार ५७० मतदाता कायम भएको निर्वाचन आयोगले जनाएको छ।

निर्वाचनको लागि आयोगले १० हजार ८९१ मतदानस्थल अन्तर्गत २२ हजार २२६ मतदानकेन्द्र रहने आयोगले जनाएको छ। आयोगका अनुसार ८८ लाख ४७ हजार ५७९ जना महिला, ९१ लाख ४० हजार ८०६ जना पुरुष तथा १८५ जना अन्य गरी कुल १ करोड ७९ लाख ८८ हजार ५७० जना मतदाताहरूको अन्तिम मतदाता नामावली स्वीकृत गरिएको छ।