पेट्रोलियम पदार्थ ढुवानी व्यवसायी महासंघले असोज १ गतेदेखि पेट्रोलियम पदार्थको ढुवानी रोक्ने चेतावनी सहितको सुचना जारी गरेपछि,नेपाल आयल निगमले पेट्रोलियम ढुवानी व्यवसायी महासंघलाई आन्दोलनका कार्यक्रम फिर्ता लिन आग्रह गरेको छ ।

ढुवानी व्यवसायी महासंघले, ढुवानी भाडा समायोजन र भारतबाट पेट्रोलियम पदार्थ ल्याउँदा पिडियो नलिने लगायतका मागहरु राख्दै आन्दोलनको घोषणा गरेको हो।

नेपाल पेट्रोलियम ढुवानी व्यवसायी महासंघले मंगलबार विज्ञप्ति जारी गर्दै,देशभरका पेट्रोलियम डिपोहरुमा लोड अनलोड नगर्ने चेतावनी दिएको छ ।

यता, आयल निगमले भने,आपूर्ति व्यवस्थालाई नै पूर्णरुपमा ठप्प पार्ने गरी गरिएको अवरोधका कार्यक्रमप्रति निगमको गम्भीर ध्यानाकर्षण भएको बताउंदै, बन्द हडतालका सम्बन्धमा मुलुकको विद्यमान कानुनी व्यवस्थालाई समेत ख्याल राख्दै आन्दोलन एवं अवरोधका कार्यक्रमहरु फिर्ता लिन व्यवसायीलाई अनुरोध गरेको छ।