सिट बाँडफाँडमा विना निष्कर्ष टुंगियो गठबन्धनको बैठक

  • नेपाल राष्ट्रिय दैनिक
  • २६ भाद्र २०७९, आईतवार १४:०६
gathabandhan

सत्तारुढ गठबन्धनका शीर्ष नेताहरुबीच सिट बाँडफाँडका लागि भएको छलफल निष्कर्षविहीन भएको छ ।

प्रधानमन्त्रीको सरकारी निवास बालुवाटारमा बसेको गठबन्धनका शीर्ष नेता र कार्यदलको बैठकमा सिट बाँडफाँडका विषयमा सहमति हुन सकेन ।

गठबन्धनमा रहेका नेपाली काँग्रेस, नेकपा माओवादी केन्द्र, नेकपा एकीकृत समाजवादी पार्टी, जनता समाजवादी पार्टी र राष्ट्रिय जनमोर्चाबीच आगामी निर्वाचनमा समन्वय गर्ने सहमति भएपनि अहिलेसम्म सिट बाँडफाँडको विषयमा सहमति हुन सकेको छैन । दर्जनौं छलफल भए पनि कुन दलले कति सिट पाउने भन्ने टुंगो लागेको छैन ।

गठबन्धनमा कांग्रेसले १०० सिट दाबी गरेको छ भने माओवादी केन्द्रले ६०, एकीकृत समाजवादीले ४०, जसपाले ३२ र जनमोर्चाले २ सिट दाबी गरेको छ । सबै दल आ–आफ्नो दाबीबाट पछि हट्न तयार नहुँदा समस्या भएको नेताहरुको भनाइ छ । महिनौंसम्म सिट बाँडफाँडमा सहमति हुन नसके पनि गठबन्धन टुट्ने सम्भावना नरहेको नेताहरुले बताएका छन्।

समानुपातिकतर्फका उम्मेदवारको नामावली बुझाउने मिति नजिकिँदै गर्दा सिट बाँडफाँड टुंगो लगाउन दलहरुमाथि दबाब बढ्दै गएको देखिन्छ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५