बेलायती महारानी एलिजावेथको सम्मानमा नेपाल सरकारले तीन दिन शोक मनाउने निर्णय गरेको छ।

प्रधानमन्त्री शेर बहादुर देउवाको अध्यक्षतामा बसेको मन्त्रिपरिषद् बैठकले ,महारानी एलिजावेभको निधनप्रति दु:ख व्यक्त गर्दै नेपाल सरकारले उनको सम्मानमा भदौ २५ देखि २७ गतेसम्म तीन दिन शोक मनाउने र देशभरका सरकारी कार्यालयहरू साथै विदेशस्थित नेपाली राजदूतावास र कुटनीतिक नियोगहरुमा राष्ट्रिय झण्डा आधा झुकाउने निर्णय गरेको छ ।

बेलायतकी महारानी एलिजावेथ द्वितीयको बिहीबार ९६ वर्षको उमेरमा निधन भएको थियो। महारानी एलिजावेथको निधनमा नेपाल सरकारले गहिरो दुःख व्यक्त गर्दै दिवंगत आत्माको चिरशान्तिको कामनासमेत गरेको छ। सरकारले बेलायत सरकार, बेलायती जनता एवं शोक सन्तप्त बेलायती राजपरिवारप्रति समवेदना प्रकट गरेको छ।