महारानी एलिजाबेथ द्वितीयको जेठो छोरा चार्ल्सले उनको मृत्यु पछि श्रीपेच ग्रहण गर्नुभएको छ ।

स्कटल्याण्डमा बिहीबार आफ्नी आमा महारानी एलिजाबेथ द्वितीयको मृत्यु पछि पूर्व राजकुमार चार्ल्स अब बेलायतको राजा बन्नुभएको छ ।

लामो समयदेखि देशको सेवा गर्दै आउनुभएका उत्तराधिकारी चार्ल्सले ७३ वर्षको उमेरमा बेलायतको राजतन्त्र र कमन वेल्थ राष्ट्रहरुको प्रमुखको भूमिका ग्रहण गर्नुभएको छ । चार्ल्सकी श्रीमती क्यामिला, डचेस अफ कर्नवाल, अब बेलायतको रानी बन्नुभएको छ।

राजा चार्ल्सले आफ्नी आमा एलिजावेथको सम्झनामा गहिरो शोक प्रकट गर्नुभएको छ। राजा चार्ल्सले आफ्नो आधिकारिक उपाधिको लागि चार्ल्स तृतीय नाम रोज्नु भएको छ, जबकि उहाँको पुरा नाम चार्ल्स फिलिप अर्थर जर्ज हो।