काठमाडौं महानगरपालिकाले नेपाली सेना,समाज कल्याण परिषद र नेपाल प्रहरीलाई १० दिन भित्र बहाल कर बुझाउन आग्रह गर्दै पत्राचार गरेको छ।

नेपाली सेना ,नेपाल प्रहरी र समाज कल्याण परिषदले आफ्नो कार्यालय मातहतको क्षेत्र बहालमा लगाई बहाल आम्दानि गरेको देखिएकोले सम्बन्धित वडा कार्यालयमा १० दिन भित्र बहाल कर बुझाउन निर्देशन दिएको छ।

महानगरले पटक पटक ताकेता गर्दा पनि हालसम्म बहाल कर नबुझाएकोले, बहाल आम्दानी विवरणसहित लाग्ने जरिवाना र कर बुझाउन निर्देशन गरिएको महानगरको राजस्व विभागले जनाएको छ ।

उल्लेखित अवधिमा पनि कर नबुझाए महानगरपालिकाको राजश्व ऐन, २०७५ बमोजिम कारबाही गरी रकम असुल उपर गर्ने महानगरले जनाएको छ।