लामो समय र पटक-पटकको बैठक र छलफलपछि पनि गठबन्धन दलका शिर्ष नेताहरुले आगामी निर्वाचनको लागि सिट बांडफांडको विषयबारे ठोस निर्णय गर्न सकेका छैनन्।
गठबन्धन दलले आगामी निर्वाचनमा सिट बाँडफाँटका लागि बनाएको कार्यदलले पनि बालुवाटारमा बसेको शीर्ष नेताहरुको बैठकमा सिट संख्या विना नै आफ्नो प्रतिवेदन बुझाएको हो ।
कार्यदलले प्रतिनिधि सभा र प्रदेश सभातर्फका निर्वाचन क्षेत्रमा सहमति जुटाएर प्रतिवेदन बुझाएको जनाएको छ। यधपी, कार्यदलले कसलाई कहाँ कति सिट बांडफांड गर्ने विषयमा भने कुनै निर्णय नगरेको र यसको जिम्मा पार्टीका शिर्ष नेताहरुले नै गर्ने जनाएको छ।
सहमति भएका विषय समेटेर प्रतिवेदन पेश गरिएको र सहमति हुन बाँकी विषयमा शिर्ष नेताहरुले नै टुङ्गो लगाउने कार्यदलले जनाएको छ।
कार्यदलको प्रतिवेदन पछि पनि शिर्ष नेताहरु सिट बांडफांडको विषयमा ठोस निष्कर्षमा पुग्न नसकेपछि भोलि फेरी बस्ने गरि आजको बैठक टुंगिएको छ।
आफ्नो प्रतिक्रिया दिनुहोस्