आगामी मंसिर ४ गते हुने प्रतिनिधिसभा तथा प्रदेशसभा निर्वाचनको लागि निर्वाचन आयोगले निर्वाचन कार्यतालिका सार्वजनिक गरेको छ।

आयोगले असोज २३ गते उम्मेदवारको मनोनयनपत्र दर्ता गर्ने र मनोनयनपत्र दर्ता भएको उम्मेदवारको सूची प्रकाशन गर्ने जनाएको छ ।

त्यसैगरी, असोज २४ गते उम्मेदवारको विरोधमा उजुरी दिने, असोज २४ देखि २५ गतेसम्म मनोनयनपत्र र उजुरी उपर जाँचबुझ गरी निर्णय गर्ने र असोज २५ गते उम्मेदवारहरुको नामावली प्रकाशन गर्ने जनाएको छ।

आयोगका अनुसार,उम्मेदवारहरुले असोज २६ गते आफ़्न्नो नाम फिर्ता लिन सक्ने जनाएको छ भने, सोहि दिन उम्मेदवारको अन्तिम नामावली प्रकाशन गरेर उनीहरुलाई निर्वाचन चिह्न प्रदान गर्ने बताएको छ।