काठमाडौं महानगरपालिकाले गरी उपत्यकाका १७ ठूला संस्थाहरुलाई १० दिनभित्र सम्पत्ति कर बुझाउन निर्देशन दिएको छ ।

महानगरपालिकाले जारी गरेको पत्रमा,खाद्य संस्थान, ह्वाइट फिल स्कुल,रन्जना ट्रेड सेन्टर,साझा भण्डार,राष्ट्रिय नाचघर, चेम्बर अफ कमर्स,कर्मचारी संचय कोष,नेपाल विधुत प्राधिकरण,नेशनल ट्रेडिङ्ग लिमिटेड,नेपाली जामे मस्जिद,कृषि सामाग्री संस्थान,मनमोहन मेमोरियल कलेज,आर बि कम्प्लेक्स,काठमाडौँ प्लाजा,नेपाल सेयर मार्केट ,सिविक हस्पिटल र डेन्टल कलेज सामाखुशीलाई १० दिन भित्र सम्पति कर बुझाउन निर्देशन दिएको छ।

लामो समय देखि सम्पति कर नबुझाएको र पटक-पटक ताकेता गर्दा पनि वेवास्ता गरेको भन्दै महानगरले १० दिनको समय दिएर जरिवाना सहित सम्पति कर बुझाउन निर्देशन दिएको हो। कर नबुझाए ऐन अनुसार कारवाही गरिने र कर बराबरको रकम अशुल उपर गरिने पनि महानगरले जनाएको छ।

काठमाडौँ महानगरपालिकाले पछिल्लो केहि दिन यता लामो समयदेखि कर नबुझाएका संस्थाहरुलाई निश्चित समय अवधि दिएर कर चुक्ता गर्न निर्देशन दिँदै आएको छ।