चीनको दक्षिणपश्चिमी सिचुआन प्रान्तमा भूकम्पमा परी कम्तीमा ६५ जनाको ज्यान गएको र सयौं नागरिक फसेपछि उद्धार कार्य जारी रहेको छ।

भूकम्पको कारण विभिन्न पहाडी इलाकामा गएको पहिरोको कारण नागरिकहरु पुरिएको र भग्नावशेषहरुमा च्यापिएको हुनसक्ने अनुमान गरिएको छ।

प्राप्त जानकारी अनुसार, भूकम्पपछि २ सय ४३ घर भत्किएका र १३ हजार १० घरमा ​​क्षति पुगेको र ५० हजारभन्दा बढी मानिसलाई स्थानान्तरण गरी आश्रयका लागि टेन्ट खडा गरिएको बताइएको छ।

उद्धारकर्ताहरूले दूरसञ्चार सेवा, बिजुली र पानीको सुबिधा सूचारु गर्नुका साथै प्रभावित नागरिकहरुलाई खाद्यान्न आपूर्ति गर्ने काम गरिरहेका छन्। भूकम्पले धेरै शहरहरूमा विधुत स्टेशन, पानीको श्रोत र सडकहरुमा समेत क्षति पुगेको जनाइएको छ ।