क्रेमलिनले मस्को विरुद्धको पश्चिमी प्रतिबन्धहरू फुकुवा नगरेसम्म युरोपमा रुसी ग्यास आपूर्ति सुचारु नहुने बताएको छ।

क्रेमलिनका प्रवक्ता दिमित्री पेस्कोभले नर्ड स्ट्रिम पाइपलाइन बन्द गर्ने रुसको निर्णयको एकमात्र कारण पश्चिमी प्रतिबन्ध नै भएको बताए छ । मस्कोले सुरुमा भने मर्मतका लागि पाइपलाइन बन्द गरिएको बताएको थियो।
नर्ड स्ट्रिम पाइपलाइन रुसी र पश्चिमी युरोप बीच ग्यास बोक्ने एकमात्र ठूलो ग्यास पाइपलाइन हो।

युरोपेली संघका अधिकारीहरूले बारम्बार रुसले पश्चिमी प्रतिबन्धहरू र युक्रेनलाई सहयोग गरेको बदला लिन जानाजानी आपूर्ति घटाएको आरोप लगाएका छन्।

अमेरिकाले पनि रुसले उर्जालाई हतियारको रूपमा प्रयोग गरेको आरोप लगाएको छ।

फ्रान्सेली राष्ट्रपति इमानुएल म्याक्रोनले इयुले नवीकरणीय ऊर्जा उत्पादनहरू र विधुतीय उर्जामा सुधार गर्न योजनाहरू बढाउन आवश्यक रहेको बताएका छन्।

यसैबीच, युरोपमा ऊर्जाको मूल्य नयाँ उचाइमा पुगेको छ, जसले युरोपका देशहरूलाई रूसी ग्यासको विकल्प खोज्न तिब्रता दिन बाध्य तुल्याएको छ।