शिक्षक सेवा आयोगले माध्यमिक तहको नेपाली विषय शिक्षक (तेस्रो श्रेणी) को परीक्षाको नतिजा सार्वजनिक गरेको छ ।

आयोगले २०७८ चैत १५ गते र असार ९, २०७९ मा परीक्षा सञ्चालन गरेको थियो ।आयोगले जारी गरेको सूचना अनुसार प्रदेश नं १ र मधेश प्रदेशका सबै उम्मेदवार (नम्बर १ देखि १० सम्मका )को अन्तर्वार्ता यही असोज २५ गते विहान ८ बजे हुने जनाएको छ ।

आयोगले, मधेस प्रदेश (११ नम्बर माथिका सबै उम्मेदवार), कर्णाली, गण्डकी र वाग्मती प्रदेश (२६ नम्बर माथिका सबै उम्मेदवार)को अन्तर्वार्ता २०७६ असोज २५ गते दिउँसो २ बजे हुने जनाएको छ।

त्यसैगरी, वाग्मती प्रदेश (१ देखि २५ सम्मका उम्मेदवार), लुम्बिनी प्रदेश र सुदूरपश्चिम प्रदेशका सबै उम्मेदवारको अन्तर्वार्ता असोज २६ गते बिहान ८ बजे हुने आयोगले जनाएको छ ।