प्रधानमन्त्री शेरबहादुर देउवा संयुक्त राष्ट्र संघको ७७औँ महासभामा सहभागी हुन नाजानुहुने भएको छ।

संयुक्त राष्ट्र संघको महासभामा भाग लिन जाने क्रममा नै प्रधानमन्त्री देउवाले नेपाल र अमेरिकाबीच सौहार्दपूर्ण द्विपक्षीय भ्रमण गर्ने तयारि भैरहेको बेला, नेपालमा निर्वाचनको मिति तय भइसकेको र अमेरिकाबाट द्विपक्षीय भ्रमणका लागि कुनै ठोस मिति तय नभएकाले प्रधानमन्त्री देउवा राष्ट्रसंघको महासभामा सहभागी नहुने बताइएको छ।

यसअघि नेपाल र अमेरिकाबीच द्विपक्षीय भ्रमण गर्ने पूर्ण व्यवस्था मिलाइएको थियो । तर नेपाल सरकारले एसपीपीलाई अस्वीकार गरेपछि द्विपक्षीय भ्रमण स्थगित भएको थियो।

प्राप्त जानकारी अनुसार परराष्ट्रमन्त्री नारायण खड्का नेपालका तर्फबाट संयुक्त राष्ट्रसंघको महासभामा सहभागी हुनुहुनेछ । तर अहिलेसम्म कुनै निर्णय भने भइसकेको छैन र आगामी मन्त्रिपरिषद् बैठकले यस विषयमा निर्णय गर्ने परराष्ट्र मन्त्रालयले जनाएको छ ।

सामान्यतया, संयुक्त राष्ट्र संघका सदस्य राष्ट्रहरूको सरकार प्रमुख वा राष्ट्र प्रमुखले महासभामा भाग लिने र आ-आफ्नो देशको तर्फबाट विश्व मञ्चमा आफ्नो विचार व्यक्त गर्ने गर्दछन् ।