संस्कृति मन्त्रीले संस्कार बिर्सिएपछि

  • नेपाल राष्ट्रिय दैनिक
  • १९ भाद्र २०७९, आईतवार २३:०७
jeevan ram stha

ठमेलस्थित छायाँ सेन्टरमा श्रीमती सहित क्यानडा भिसाको लागि बायोमेट्रिक दिन गएका संस्कृति, पर्यटन तथा नागरिक उड्डयनमन्त्री जीवनराम श्रेष्ठले लाइन मिचेर बायोमेट्रिक दिन अगाडी बढ्दै गर्दा, त्यहाँ कार्यरत सुरक्षागार्डले मन्त्रि श्रेष्ठलाई लाइनमा बस्न आग्रह गरे।

तर, मन्त्री श्रेष्ठले मन्त्री हुँ भन्दै लाइनमा बस्न नमानेपछि  सुरक्षागार्डले जो सुकै भएपनि नियम मान्नुपर्छ र लाइन बस्नुपर्छ  भने।  मन्त्रीको साथमै रहेका अंगरक्षकले पनि  ‘उहाँ मन्त्रीज्यु हुनुहुन्छ, जान दिनुस्’ भनेर भन्दा पनि  सुरक्षा गार्डले अगाडि थुप्रै लाइनमा रहेको र उहाँले पनि लाइन बस्नुपर्ने बताए ।

छायाँ सेन्टरको यो घटना लगत्तै त्यहाँबाट फ़र्किएपछि उनले गृह मन्त्रालयलाई खबर गरि ती गार्डलाई पक्राउ गर्न निर्देशन दिए। गृहकै आदेशमा प्रहरीले उनलाई पक्राउ गर्‍यो र जिल्ला प्रशासन कार्यालय काठमाडौंले अभद्र व्यवहारमा मुद्दा चलाउन  उनलाई ५ दिन थुनामा राख्न अनुमति दियो ।

मन्त्रीलाई नियम सिकाउन खोजेकै भरमा एउटा सुरक्षा गार्ड यतिखेर प्रहरीको हिरासतमा बसिरहेको छ।

त्यहाँ कार्यरत कर्मचारीले भने मन्त्रीले आफु आउने पूर्वजानकारी गराएको भए समन्वय हुन सक्थ्यो, तर पुर्व जानकारी नगराउँदा सुरक्षा गार्डले रोकेको र मन्त्री भए पनि सामान्य नागरिकझैं व्यवहार गरेको हो, लाइन बस्नुपर्ने नियम सबैले मान्नुपर्ने उनले बताए। 

हिम्मत भए क्यानडाको कुनै पब्लिक बस,रेल वा दोकानमा लाइन मिचेर हेर्नु

मन्त्रि श्रेष्ठलाई मेरो आग्रह, क्यानाडा पुगेपछि एकदिन पब्लिक बस र रेलको यात्रा गर्नु। हुन त् त्यहाँ पनि दुतावासको गाडीमै हुइकिने होला। तर, श्रीमती लिएर जाँदै हुनहुन्छ, एक पटक शपिंग गर्न निस्कनु।  सामान्य ग्रोसरी दोकान या कुनै मलमै भएपनि हुन्छ, फुर्सद मिलाएर निस्किनु।  अनि हिम्मत भए त्यहाँ लाइन मिचेर देखाउनु। कसैले केहि भनिहाले भने म नेपालको मन्त्रि हुँ भनेर भन्दा पनि फरक पर्दैन। सायद सहि र गलत तपाईंले त्यतिबेला पक्कै पनि छुट्ट्याउन सक्नुहुनेछ।आफ्नो हैसियत के हो तपाइले त्यो बेला महशुस गर्नुहुनेछ।लाइन बस्नुपर्छ भनेर नियम सिकाउन खोजेकै भरमा, यहाँ जसरि एउटा सुरक्षा गार्डलाई  अभद्र व्यबहार गरेको भनेर जेलमा पठाउनुभयो,क्यानाडाका नागरिकले त्यहाँ तपाइलाई लाइन मिचेको भनेर प्रहरी लगाएर जेलमा पठाउनेछन्।

अमेरिकी पूर्व राष्ट्रपति ओबामा र वर्तमान राष्ट्रपति बाइडेन लाइन बसेर खानको अडर गर्दै

संस्कृति मन्त्रीलाई संस्कार सिकाउन नपरोस:शुभकामना !

संस्कृति मन्त्रि भएर लाइन मिच्न्नु हुन्न भन्ने एउटा सामान्य संस्कार नहुनु र भिआइपी सुविधा चाहिने भए पुर्व सूचना दिएर जानुपर्छ भन्ने प्रोटोकलको ज्ञान नहुनु र तपाइँ जस्तो संस्कृति मन्त्रि पाउनु नेपाल र नेपालीको लागि दुर्भाग्य हो। 

देशको एउटा संस्कृति मन्त्रीलाई लाइन मिच्नु हुन्न भन्ने एउटा सामान्य संस्कार पनि आजको दिनमा एउटा सुरक्षा गार्डले सिकाइरहनुपर्ने हो भने,तपाइँबाट अब यो देश र जनताले कस्तो संस्कृतिको अपेक्षा गर्ने ? कि राज्यको उच्च ओहोदामा बसेकाहरुले जे गर्दा पनि हुन्छ ?

यहाँ हरेक दिन नेपालीहरुको आधा दिन लाइन बसेरै बित्छ।  चाहे त्यो कर तिर्न जाँदा होस् या राष्ट्रिय परिचयपत्र बनाउन जाँदा।  अझ भनौं सरकारी कार्यालयमा कुनै पनि काम लिएर जाँदा।  यदि विश्वाश लाग्दैन भने एकदिन राहदानी बिभाग र यातायात कार्यालयमा गएर अनुगमन गर्दा हुन्छ।  १० बजे खुल्ने सरकारी कार्यालयमा नेपालीहरु बिहान ४/५ बजेदेखि नै लाइन लागेर बसेको हुन्छन्।

तर मन्त्रि हो भनेकै भरमा  तपाइले चै लाइन नै बस्नु नपर्ने भन्ने हुन्छ ? तपाइले चै के नियमको पालना गर्नुपर्दैन ?  लाइन बस्ने मन नभए पदिय मर्यादाको प्रोटोकल फलो गर्दा हुन्छ।  तर लाइन बस्नुस भनेकै भरमा आफ्नो जिम्मेवारी पुरा गरिरहेको सुरक्षा गार्डलाई थुनामा पठाउन तपाइको पदिय मर्यादालाई शोभा दिँदैन।  

अमेरिकी पूर्व राष्ट्रपति ओबामा सुरक्षा गार्डलाई सलुट गर्न बिर्सिएपछि ओर्लिएर्र हात मिलाउँदै

घाटामा उडिरहेको नेपाल वायु सेवा निगमको जहाज नाफामा उडाउन तपाइँको योग्यता र क्षमाताले भ्याउँदैन भन्ने कुरा त छायाँ सेन्टरको घटनाले नै पुष्टि गरिसकेको छ।  तर, अब त धेरै समय पनि छैन। कमसे कम एउटा राम्रो संस्कृतिको विकास गरेर जानुहोस्। संस्कृति मन्त्रीबाट नेपालीहरुले केहि नभए पनि २-४ वटा राम्रो संस्कारको सिको गर्ने गरि काम गर्नुहोस्। हिम्मत भए समान हैसियत भएकाहरुसंग राम्रो कामको लागि लड्नुहोस। युद्दमा त सेनापति ले सेनापति संगै लड्छ।  तपाई जाबो एउटा जिम्मेवारी पालना गरेर रोजी रोटीको लागि संघर्ष गरिरहेको सुरक्षा गार्डलाई पदको आडम्बरमा जेल पठाएर कस्तो पुरुषार्थ देखाउन चाहनुहुन्छ ?  मन्त्रि आयो रे भनेपछि २-४ जना झुम्मिएर सेल्फी खिच्ने वातावरण बन्ने गरि काम गरे पो गर्व महशुस हुन्छ त ।त्यसैले राम्रो काम गर्नुहोस, जनताले तपाई हिड्ने बाटो आफै खालि गर्नेछन।घरमा गएर  श्रीमती र छोरा छोरीको अगाडी शिर ठाडो गरेर बोल्न सक्नेगरि काम गर्नुहोस।  श्रीमतीले मेरो बुढाले मन्त्रि भएर यस्तो राम्रो काम गरे भनेर भन्ने अवसर दिनुहोस।  छोरा छोरीले साथि भाईको अगाडी मेरो बा ले यस्तो राम्रो काम गरे भनेर भन्न सक्ने गरि काम गर्नुहोस। छोरा छोरि, श्रीमती र आफन्तालाई तपाईले मन्त्रि भएर गरेको कामले लज्जाबोध भएर गाउँ छिमेकमा शिर निहुराएर हिंड्न नपर्ने गरि काम गर्नुहोस। मन्त्रि भनेर चिन्दै र चिनाउँदै गर्दा र त्यो  पनि  संस्कृति मन्त्रीलाई एउटा सुरक्षा गार्डले संस्कार र जबर्जस्ति नियम सिकाउनु पर्ने लज्जास्पद घटना भोलिको दिनमा नदोहोरियोस्। शुभकामना !

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५