प्रतिनिधिसभा र प्रदेशसभाको निर्वाचनको मिति घोषणा भइसकेपछि कामचलाउ सरकारले संसद्को म्याद थप्नु नैतिक र राजनीतिक रूपमा अनुचित हुने नेकपा एमालेका उपमहासचिव तथा पूर्वपरराष्ट्रमन्त्री प्रदीप ज्ञवालीले बताउनुभएको छ।

प्रेस चौतारी नेपाल पाल्पाले आज तानसेनमा आयोजना गरेको पत्रकार सम्मेलनमा बोल्दै , निर्वाचनको मिति घोषणा गरेपछि संसद् चलाउनु अन्याय हो भन्ने हाम्रो स्पष्ट धारणा छ र सरकारले यस्तो महत्वपूर्ण निर्णय गर्दा प्रतिपक्षीसँग परामर्श नगरेको र प्रतिनिधिसभा र प्रदेशसभाको म्याद थप गर्न कुरामा एमालेले समर्थन नगर्ने बताउनुभएको हो।

ज्ञवालीले सर्वव्यापी सिद्धान्तअनुसार नयाँ जनादेशका लागि निर्वाचनको मिति घोषणा भएपछि संसद स्वतः विघटन हुने बताउनुभएको छ। निर्वाचनको मिति घोषणा भइसकेपछि निर्वाचनको काममात्र गर्नुपर्ने र कामचलाउको हैसियतमा बस्नुपर्ने सरकारले संसदको म्याद थप गर्दा निर्वाचन स्वस्थ हुन नसक्ने पनि उहाँले बताउनुभएको छ।