आगामी निर्वाचनमा सिट बाँडफाँटबारे गठबन्धन दलका शिर्ष नेताहरु केहि दिन यता निरन्तर छलफलमा जुटेका छन् ।

गठबन्धन दलभित्रका शिर्ष नेताहरुको आ- आफ्नै अडानका कारण सिट बाँडफाँटको विषयमा अहिले सम्म कुनै पनि ठोस निर्णय भने हुन सकेको छैन। चुनाव नजिकिंदै गर्दा चुनौतिको रुपमा देखिएको सिट बाँडफाँटको विषयलाई अन्तिम निष्कर्ष दिन गठबन्धन दलका शीर्ष नेता र कार्यदलका सदस्यहरुको बैठक आज ३ बजे पुन: प्रधानमन्त्रीको सरकारी निवास बालुवाटारमा बस्ने तय गरिएको छ।

गठबन्धन दलका शीर्ष नेताहरुबीच सिट बाँडफाँटबारे समान धारणा बनाउनेबारे निरन्तर चलिरहेको छलफल आज पनि जारि रहने देखिन्छ।

यसअघिको बैठकमा कांग्रेसले १०० सिटको दाबि गरिरहँदा , माओवादी केन्द्रले ६०, नेकपा एकीकृत समाजवादीले ४०, जसपाले ३२ र जनमोर्चाले २ सिट दाबी गरेको छ।