राष्ट्रिय सभाले नागरिकता विधेयक हुबहु पारित गरेको छ।

राष्ट्रपतिबाट पुनर्विचारका लागि सन्देश सहित फिर्ता भएको नागरिकता विधेयक आज बसेको राष्ट्रिय सभाको बैठकले हुबहु पारित गरेको छ।

गृहमन्त्री बालकृष्ण खाँणद्वारा राष्ट्रपतिबाट पुनर्विचारका लागि फिर्ता भएर प्रतिनिधि सभाबाट सन्देशसहित प्राप्त नेपाल नागरिकता (पहिलो संशोधन) विधेयक, २०७९ पुनः पारित गरियोस् भनि गरिएको प्रस्ताव राष्ट्रिय सभाको बहुमतले पारित गरेको हो।

यस अघि राष्ट्रिय सभाले छलफलको लागि विधायन समितिमा पठाएको नागरिकता विधेयक, विधायन समितिबाट पनि हुबहु पारित गरेर राष्ट्रिय सभामा प्रतिवेदन सहित प्रस्तुत गरिएको थियो।