राष्ट्रिय परीक्षा बोर्डले कक्षा १२ को परीक्षाफल प्रकाशित गरेको छ ।

ग्रेडिङ पद्धति २०७८ अनुसार गत जेठ १६ देखि २५ गतेसम्म सञ्चालन गरिएको कक्षा १२ को परीक्षाको परीक्षाफल सार्वजनिक गरेको बोर्डले जनाएको छ ।

बोर्डले पहिलोपटक, प्रत्येक विषयमा सैद्धान्तिक तर्फ कम्तिमा ३५ प्रतिशत अंक नल्याए ग्रेड सिटमा (एनजी)नन ग्रेडिङ उल्लेख गर्ने व्यवस्था लागू गरेको छ भने प्रयोगात्मक परीक्षामा न्यूनतम ४० अंक ल्याउनुपर्नेछ।

यसवर्ष नियमित तर्फ १ लाख ८८ हजार विद्यार्थी नन ग्रेडिङमा परेका छन् भने ४ जिपीए ल्याउने संख्या शून्य रहेको छ ।

एनजी उल्लेख हुने विद्यार्थीले उच्च शिक्षामा भर्ना हुन नपाउने र दुई विषयमा मात्रै एनजी आएमा ग्रेडवृद्धि परीक्षा दिन सकिने पनि बोर्डले जनाएको छ।

देशभरका १ हजार २ सय ९२ परीक्षा केन्द्रमा सञ्चालन भएको परीक्षामा ४ लाख १० हजार ५० विद्यार्थी सहभागी रहेका थिए ।

परीक्षाफल हेर्ने तरिका

१. राष्ट्रिय परीक्षा बोर्ड र नेपाल टेलिकमको website: www.neb.gov.np वा www.neb.ntc.net.np मा नतिजा हेर्न सकिनेछ।

SMS मार्फत नेपाल टेलिकमको १६०० मा SMS गर्ने गरेर नतिजा हेर्न सकिनेछ:

NEB Symbol No. टाइप गरी १६०० मा SMS गर्ने ।

IVR सेवा मार्फत नेपाल टेलिकमको १६०१ नम्बरमा डायल गरी प्राप्त निर्देशानुसार नतिजा प्राप्त गर्न सकिने छ ।

ग्रेडवृद्धि परीक्षा असोज ३० र ३१ गते

परीक्षा बोर्डले कक्षा १२ को ग्रेडवृद्धि परीक्षा असोज ३० र ३१ गते सञ्चानलन गर्ने जनाएको छ ।