म्यानमारका लागि बेलायतका पूर्व राजदूत र उनका श्रीमानलाई देशको सैनिक अधिकारीले एक वर्षको जेल सजाय सुनाएको छ ।

विक्की बोमन र उनको श्रीमान, पूर्व राजनीतिक बन्दी हटिन लिनलाई अध्यागमन कानुन उल्लङ्घन गरेको अभियोगमा म्यानमारको सैन्य अदालतले एक वर्षको जेल सजाय सुनाएको छ। राजदुत दम्पतीलाई गत हप्ता याङ्गुनस्थित आफ्नै घरबाट पक्राउ गरिएको थियो। विक्की बोमनले सन् २००२ देखि २००६ सम्म म्यानमारमा राजदूतको रुपमा काम गरिन् ।

हटिन लिन एक कलाकार र पूर्व राजनीतिक कैदी हुन् जो अल बर्मा स्टुडेन्ट्स डेमोक्रेटिक फ्रन्ट, एक सशस्त्र प्रतिरोध समूहका सदस्य थिए जुन १९८८ मा सैन्य जन्टा विरुद्ध लोकप्रिय विद्यार्थी नेतृत्वको विद्रोह पछि गठन भएको थियो।

बेलायतले केहि समय अघि मात्र म्यानमारमा रोहिंग्या मुस्लिमहरूमाथिको घातक आक्रमणको कारण देखाउंदै, म्यानमारका सैन्य अधिकारीहरू विरुद्ध प्रतिबन्धको घोषणा गरेपछि राजदुत दम्पतीलाई गिरफ्तारी गरिएको हो।