उत्तर कोरियाको आणविक परीक्षणमा कडा प्रतिक्रिया दिने चेतावनी

  • नेपाल राष्ट्रिय दैनिक
  • १७ भाद्र २०७९, शुक्रबार १०:५७
north korean missile

उत्तर कोरियाले अर्को आणविक परीक्षणको लागि तयारी गरिरहेको बेला,संयुक्त राज्य अमेरिका, दक्षिण कोरिया र जापानले संयुक्त रुपमा उत्तर कोरियाको अर्को आणविक परीक्षणमा आफ्नो प्रतिक्रिया कडा र अधिकतम रहने जनाएका छन्।

अमेरिका, दक्षिण कोरिया र जापानको संयुक्त उच्चस्तरीय बैठकपछि पत्रकारहरूसँग कुरा गर्दै दक्षिण कोरियाका शीर्ष सुरक्षा सल्लाहकार किम सुङ-हानले उत्तर कोरियाले अर्को आणविक परीक्षण गरेमा तीन सहयोगी राष्ट्रहरूबाट कडा प्रतिक्रिया आउने बताएका छन् ।

यस अघि नै ६ वटा आणविक परीक्षण गरिसकेको उत्तर कोरियाले यदि आफ्नो सातौं आणविक परीक्षण गर्छ भने, प्रतिक्रिया पक्कै पनि अहिले सम्मको भन्दा फरक हुने पनि उनले बताएका छन्। यधपी उनले उल्लेख गरेको कडा प्रतिक्रिया के हुने र कस्तो प्रकृतिको हुने भन्ने बारे भने खुलाइएको छैन।

उत्तर कोरियाले आफ्नो आणविक हतियारको विकासलाई सबैभन्दा द्रुत गतिमा अगाडि बढाउने वाचा गर्दै परमाणु युद्ध प्रतिरोधक कुनै पनि खतराको जवाफ दिन पूर्ण रूपमा तयार रहेको बताएको छ ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५