सत्तारुढ दलको सिट बाँडफाँडका लागि गठित कार्यदलको बैठक प्रधानमन्त्री निवास बालुवाटारमा सुरु भएको छ ।

कार्यदलको बैठकअघि सत्तारुढ पाँच दलका शीर्ष नेताबीच छलफल भएको र सो छलफल लगत्तै कार्यदलको बैठक सुरु भएको हो ।

बैठकमा कांग्रेस नेता कृष्णप्रसाद सिटौलाको अध्यक्षतामा गठित कार्यदलले प्रतिवेदन तयार गरी शीर्ष नेताहरुलाई बुझाएको छ ।

यसअघि कांग्रेसले प्रतिनिधिसभामा १००, माओवादी केन्द्रले ६०, एकीकृत समाजवादी पार्टीले ४०, जसपाले ३५ र राष्ट्रिय जनमोर्चाले २ सिट दावी गरेको थियो ।

तर, यसअघि बसेको बैठकमा आगामी निर्वाचनका लागि सिट बाँडफाँडका विषयमा कुनै सहमति हुन भने सकेन।