चुरे क्षेत्रको संरक्षण र सुकुम्बासीलाई जग्गा उपलब्ध गराउन माग गर्दै, चुरे तथा वन संरक्षण अभियानका आन्दोलनरत सुकुम्बासीहरुले आइतबार जनकपुरधामस्थित मुख्यमन्त्री तथा मन्त्रिपरिषदको कार्यालय अगाडिको सडकमा सुतेर प्रदर्शन गरेका छन्।

सुकुम्बासीहरूलाई जग्गा उपलब्ध गराउनु पर्ने,चुरे दोहन बन्द गर्नुपर्ने,अतिक्रमित बन क्षेत्रबारे सरकारले गरेको छानबिन प्रतिवेदन सार्वजनिक गर्नुपर्ने लगायतका माग राखेर उनीहरुले प्रदर्शन गरेका हुन्।

वास्तविक भूमीहिन, दलितलाई जग्गा नदिई अर्कै व्यक्तिलाई जग्गा उपलब्ध गराएको भन्दै त्यसबारे छानबिन गर्नुपर्ने र वास्तविक भूमिहीनलाई जग्गा उपलब्ध गराउनुपर्ने उनीहरुले बताएका छन्।