श्रावण १५-दांग,स्थानिय बासिन्दा र जनप्रतिनिधि मिलेर तुलसीपुरको टारिगाउँ विमानस्थलमा रहेको हवाई इन्धन डिपोको गेटमा तालाबन्दी गरेका छन्।

विमानमा इन्धन भर्नका लागि प्रयोग हुने बाउजर मेसिन फिर्ता लैजाना लागेको भन्दै स्थानिय र जनप्रतिनिधि मिलेर तुलसीपुरको टरिगाउँ विमानस्थलमा रहेको हवाई इन्धन डिपोको गेटमा ताला लगाएका हुन्। लामो समय पछि सञ्चालनमा आएको उक्त विमानस्थलमा नेपाल वायु सेवा निगमको जहाजले मात्र उडान भर्दै आएको छ। इन्धन डिपो नभएकै कारण अन्य जहाजहरु सञ्चालन हुन नसकिरहेको अवस्थामा बाउजर मेसिन फिर्ता लगेर विमानस्थल बन्द गर्न खोजेको भन्दै तुलसीपुर उपमहानगरकी उपमेयर स्यानी चौधरीसहित स्थानिय सरोकारवालाहरुले संयुक्त रुपमा विमानस्थलमा रहेको हवाई इन्धन डिपोको गेटमा तालाबन्दी गरेका हुन्।

तुलसीपुर उद्योग वाणिज्य संघका अध्यक्षले सो विषयमा सम्बन्धित सबै निकायलाई ध्यानाकर्षण पत्र बुझाएको र आफ्नो मागको बेवास्ता गरे सशक्त आन्दोलनका कार्यक्रम सञ्चालन गर्ने चेतावनी समेत दिएको बताइएको छ।