अमेरिकी सांसद न्यान्सी पेलोसीले आफ्नो विवादास्पद एसिया भ्रमण सुरु गरेपछि बेइजिङले ताइवान नजिक आफ्नो सैन्य अभ्यास सुरु गरेको छ।

चीनको जनमुक्ति सेना (पीएलए) ले मुख्य भूमि र ताइवानको बीचमा रहेको फुजियान प्रान्तको तटमा सैन्य अभ्यास सुरु गरेको छ। स्वशासित टापुको विषयमा वाशिंगटनसँग बढ्दो तनावको बीचमा चीनले सार्वजनिक रूपमा सैन्य अभ्यासको घोषणा गरेको हो।

शनिबार बिहान ८ बजेदेखि बेलुकी ९ बजेसम्म फुजियानको तटमा रहेको पिङटान टापुहरू नजिक उक्त सैन्य अभ्यास गरिएको सिन्ह्वा समाचार एजेन्सीले जनाएको छ।

चिनियाँ राष्ट्रपति सी जिनपिङले बिहीबार अमेरिकी राष्ट्रपति जो बाइडेनलाई टेलिफोनमा बेइजिङले ताइवानसँगको चीनको व्यवहारमा “बाह्य हस्तक्षेप” सहन नसक्ने चेतावनी समेत दिएको बताइएको छ।