बाइडेन प्रशासनले अमेरिकालाई घुँडा टेकाएको ट्रम्पको आरोप

  • नेपाल राष्ट्रिय दैनिक
  • ११ श्रावण २०७९, बुधबार १६:१०
donald trump

पूर्व अमेरिकी राष्ट्रपति डोनाल्ड ट्रम्पले अमेरिका फर्स्ट पोलिसी इन्स्टिच्युट शिखर सम्मेलनलाई सम्बोधन गर्दै अमेरिका भिखारी राष्ट्र बनिसकेको बताएका छन् । ट्रम्पले डेमोक्र्याट र बाइडेन प्रशासनले अमेरिकालाई घुँडा टेकाएको आरोप समेत लगाएका छन् ।

मुद्रास्फीति ४९ वर्ष यताकै उच्च भएको, तेलको मूल्य वृद्धि भएको र अपराधका शृंखलाहरु बढेको भन्दै ट्रम्पले दुःख व्यक्त गरेका छन्। राष्ट्रपति जो बाइडेनले साउदी अरेबिया भ्रमणको क्रममा साउदी राजकुमार मोहम्मद बिन सलमानसँग तेल उत्पादन बढाउन र रूसबाट भैरहेको आपूर्तिमा विश्वव्यापी निर्भरता कम गर्न गरेको आग्रहप्रति संकेत गर्दै, अमेरिकाले आफ्नो ऊर्जा स्वतन्त्रता समेत गुमाएको ट्रम्पले बताएका छन्।

विश्वमा नै अमेरिकाले एकपछि अर्को ऐतिहासिक अपमानको सामना गरिरहेको भन्दै डेमोक्र्याटद्वारा शासित शहरहरूमा हत्याको शृंखला समेत बढेको बताएका छन्। ट्रम्पले आगामी मध्यावधि चुनावमा अमेरिकी जनताले “जो बाइडेन, न्यान्सी पेलोसी, चक शुमर र कट्टरपन्थी वामपन्थीको असफल शासनलाई अस्वीकार गर्नेछन्र र अर्को राष्ट्रपति चुनावमा रिपब्लिकन पार्टीले विजय प्राप्त गर्ने बताएका छन्।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५