नेपाली कांग्रेसका नेता शेखर कोइरालाले कांग्रेसका तीन सर्त माने मात्र गठबन्धन दलहरुसंग चुनावी तालमेल गर्न सकिने बताउनुभएको छ।

नेपाल प्रेस युनियनले विरगंजमा आयोजना गरेको पत्रकार सम्मेलनमा बोल्ने क्रममा नेता कोइरालाले , आर्थिक नीति, परराष्ट्र नीति र कांग्रेसको नेतृत्वमा ५ वर्ष सम्म स्थायी सरकार रहने तीन शर्त माने मात्रै आगामी निर्वाचनमा गठबन्धनका दलहरूसँग तालमेल सम्भव हुने बताउनुभएको हो। यसै विषयमा गठबन्धन दलहरुबीच छलफल चलिरहेको पनि उहाँले बताउनुभएको छ।

साथै,माओवादी केन्द्रले भने अनुसारको सिट बाँडफाँड गरेर चुनावमा जान नसकिने पनि कोइरालाले बताउनुभएको छ। पार्टी सभापतिप्रति इंगित गर्दै ,आगामी निर्वाचनमा पार्टीले गुटगत आधारमा टिकटको बाँडफांड नगरी योग्य उम्मेदवारलाई टिकट दिए काँग्रेसले जित्ने पनि उहाँले दावी गर्नुभएको छ।