पूर्वअर्थमन्त्री जनार्दन शर्मामाथि छानबिन गर्न बनेको संसदीय विशेष छानबिन समितिलाई सिंहदरबारको दक्षिण र पश्चिम गेटको सीसीटीभी फुटेज उपलब्ध गराइएको छ।

समितिले अनुसन्धानको क्रममा ठोस कुनै प्रमाण नभेटेपछि अर्थमन्त्रीको कल डिटेल सहित फोन ट्रेसिङ्ग रेकर्ड र सिंहदरबारको दक्षिण र पश्चिम गेटको सीसीटीभी फुटेज उपलब्ध गराउन माग गरेको थियो। कल डिटेल माग गरेको छानबिन समितिको आग्रहप्रति सत्तारुढ दलका सदस्यहरुले नै विरोध गरेपछि सिंहदरबारको दक्षिण र पश्चिम गेटको सीसीटीभी फुटेज भने आज गृहमन्त्रालयले समितिलाई उपलब्ध गराएको छ।
यसघि अर्थमन्त्रालयको फुटेज रिकभर गर्न प्रहरीको फरेन्सिक टोलीलाई दिएको सिसिटिभी फुटेजमा पनि कुनै ठोस प्रमाण भने फेला नपरेको समितिले जनाएको छ।