४ वर्षीया बालिकाको बलात्कारपछि हत्या गरेको अभियोगमा प्रहरीले ४ जनालाई पक्राउ गरेको छ।

श्रावण ५ गतेदेखि वेपत्ता वीरगञ्ज महानगरपालिका–२ छपकैयाकी ४ वर्षीया बालिका श्रावण ७ गते वीरगञ्ज–२ छपकैयास्थित खाली जग्गाको झाडीमा मृत अवस्थामा फेलापरेपछि प्रहरीले अनुसन्धान अघि बढाएको थियो। अनुसन्धानको क्रममा प्रहरीले पहिलो पटक शव भेटिएको जानकारी गराउने १२ वर्षीय युवकलाई सोधपुछ गर्ने क्रममा सोहि बालक सहित अन्य ३ जनाको पनि घटनामा संलग्नता देखिएपछि प्रहरीले अन्य ३ जना अभियुक्तलाई पक्राउ गरि थप अनुसन्धान अघि बढाएको थियो ।

प्रहरीको प्रारम्भिक अनुसन्धानमा जबरजस्ती करणीपछि हत्या गरिएको खुलेको छ। आरोपित ४ जना विरुद्द जबरजस्ती करणी तथा ज्यान सम्बन्धी कसुरमा पर्सा जिल्ला अदालतबाट ५ दिनको म्याद लिई थप अनुसन्धान गरिरहेको प्रहरीले बताएको छ।