दोलखाको तामाकोसी गाउँपालिका -४ मालुखोला बजारमा अविरल वर्षासँगै आएको बाढी र पहिरोले १५ भन्दा बढी घरहरुमा क्षति भएको छ।

बाढी र पहिरोले क्षतिग्रस्त घरहरुबाट प्रभावितहरुलाई प्रहरी र स्थानिय बासिन्दाको सहयोगमा उद्दार गरिएको छ। बाढी र पहिरोले मालुखोला सडक खण्डमा यातायात सेवा अवरुद्द बनेको छ भने सो क्षेत्रमा विधुत आपूर्ति पनि बन्द भएको छ।

त्यसैगरी,अविरल बर्षासंगै आएको पहिरोले शैलुङ गाउँपालिका-८ मा ३० भन्दा बढी घरपरिवार विस्थापित भएका छन्। पहिरोले बिगु गाउँपालिका-४ सिंगटी बजारका २५ भन्दा बढी घरपरिवार प्रभावित बनेका छन् भने भीमेश्वर नगरपालिका-२ डाक्थलीमा पनि पहिरोले क्षति पुर्‍याएको छ।

तस्विर:कान्तिपुर