द्रौपदी मुर्मुले आज भारतको १५औँ राष्ट्रपतिको रुपमा सपथ लिएकी छन् । उनलाई उप-राष्ट्रपति र राज्यसभाका अध्यक्ष एम वेंकैया नायडू र लोकसभा अध्यक्ष ओम बिर्लाले केन्द्रीय हलमा लिएर पुगेका थिए।

पूर्वराष्ट्रपति रामनाथ कोविन्द, उपराष्ट्रपति तथा राज्यसभाका अध्यक्ष एम वेंकैया नायडू र प्रधानमन्त्री नरेन्द्र मोदीको उपस्थितिमा संसदको सेन्ट्रल हलमा आयोजित एक समारोहमा उनलाई भारतका प्रधानन्यायाधीश एनभी रमानाले सपथ गराएका थिए।

राष्ट्रपतिको रूपमा आफ्नो पहिलो सम्बोधनमा, मुर्मुले आफु शीर्ष संवैधानिक पदमा निर्वाचित हुनुले भारतमा गरिबहरूले सपना मात्र होइन ती आकांक्षाहरू पूरा गर्न सक्छन् भन्ने प्रमाणित गरेको बताइन्। द्रौपदी भारतको राष्ट्रपति पदको सपथ लिने सबैभन्दा कान्छी व्यक्ति हुन्।