प्रहरीको एक टोलीले आज तिलोत्तमा नगरपालिका जानकीनगरमा रहेको ब्लु स्काइ कल सेन्टरमा छापा मारी ७ जना सञ्चालक सहित १५० भन्दा बढी युवायुवतीलाई नियन्त्रणमा लिएको छ।

ह्वाट्स्याप र फेसबुकमा चिट्ठा पर्‍यो भन्दै म्यासेज पठाउने र अनलाइन ठगि धन्दामा सक्रिय रहेको भन्ने प्रहरीको प्रारम्भिक अनुसन्धानका आधारमा उनीहरुलाई पक्राउ गरिएको बताइएको छ। ३ वटा फ्ल्याट भाडामा लिई करिब ३०० भन्दा बढी कम्प्युटर राखेर विभिन्न प्रलोभन र जालमा पारि ठगि गर्ने गरेको पाइएपछि उनीहरुलाई पक्राउ गरिएको हो।
विदेशी नागरिकको समेत लगानी रहेको सो कल सेन्टरबाट नेपाल र भारतमा रहेका सर्वसाधारण नागरिकलाई विभिन्न प्रलोभन र त्राशको मेसेज पठाएर ठगि गर्ने गरेको प्रहरीको प्राम्भिक अनुसन्धानले बताएको छ। पक्राउ परेका युवायुवतीहरुले आफुहरु रोजगारदाता सँस्थामार्फत काममा आएको बताएका छन् भने घटनाबारे प्रहरीले थप अनुसन्धान अगाडि बढाएको छ।