प्रमुख प्रतिपक्ष दल नेकपा एमालेले नागरिकता विधेयक विरुद्द विरोध प्रदर्शन गर्ने जनाएको छ।
सुर्खेतको वीरेन्द्रनगरमा प्रेस चौतारी कर्णालीले आयोजना गरेको पत्रकार सम्मेलनमा बोल्दै, नेकपा एमालेका महासचिव शंकर पोखरेलले यहि श्रावण १६ गते एमालेले नागरिकता विधेयक विरुद्द विरोध प्रदर्शन गर्ने बताउनुभएको हो।

सत्ता र गठबन्धन टिकाउनका लागि नागरिकता विधेयक संसदबाट पारित गरिएको र यो सरकारको नलायकीपन हो भन्दै महासचिव पोखरेलले सरकारको आलोचना समेत गर्नुभएको छ।
प्रचण्डको भारत भ्रमण लगत्तै नागरिकता विधेयक पारित गरिनु शंकास्पद भएको पनि पोखरेलले टिप्पणी गर्नुभएको छ।