कांग्रेस सभापति एवं प्रधानमन्त्री शेरबहादुर देउवाले पत्रकारिता क्षेत्र देश र जनताप्रति बढी जिम्मेवार हुनुपर्ने बताउनुभएको छ।

हेटौँडामा नेपाल प्रेस युनियनको नवौँ महाधिवेशनको उद्घाटन समारोहमा बोल्दै प्रधानमन्त्री देउवाले आधुनिक प्रविधिको सहायताले आफूलाई परिष्कृत गर्दै जिम्मेवार र जवाफदेही बन्न पत्रकारहरुलाई आग्रह गर्नुभएको छ।

कार्यक्रमलाई सम्बोधन गर्दै उहाँले लोकतन्त्र सुदृढ गर्न प्रेसको भूमिका महत्वपूर्ण हुने भएकाले प्रेस स्वतन्त्रताको आडमा पत्रकारले आफ्नो जिम्मेवारी भुल्न नहुने बताउनुभएको थियो।

कार्यक्रमलाई सम्बोधन गरेलगत्तै प्रधानमन्त्री देउवा काठमाडौं फर्किनुभएको छ।