सत्तारुढ दल सम्बद्द संयुक्त विद्यार्थी संगठनहरुले नेपाल राष्ट्र बैंकका गभर्नर महाप्रसाद अधिकारीको बर्खास्तीको माग गर्दै माइतीघर मण्डलामा प्रदर्शन गरेका छन्।

३ गतेबाट सुरु गरिएको चरणबद्द आन्दोलनको आज तेस्रो दिन विद्यार्थिहरुले माइतीघर मण्डलामा गभर्नर बर्खास्तीको माग गर्दै कार्टुन प्रदर्शन गरेका हुन्। नेपाली कांग्रेस सम्बद्द नेविसंघ, नेकपा माओवादी केन्द्रको अखिल क्रान्तिकारी र एकीकृत समाजवादीको अनेरास्ववियूले गभर्नर अधिकारी उर्फ एम अधिकारीले राष्ट्र बैंक ऐन २०५८ को बर्खिलाप पदमा रहेर कानुनको धज्जी उडाएको र प्रतिपक्ष दलको सदस्यता लिएर मुलुकको अर्थतन्त्र ध्वस्त पार्न शक्रिय रहेको दावी गर्दै सरकार समक्ष गभर्नर अधिकारीलाई बर्खास्त गर्न माग गरेका छन्।

पुर्व घोषित कार्यक्रम अन्तर्गत संयुक्त विद्यार्थी संगठनहरुले भोलि देशैभरका क्याम्पसहरूमा विरोध कार्यक्रम आयोजना गर्ने र ७ गते गभर्नर अधिकारीको बर्खास्तीको माग गर्दै संसदमा आवाज उठाउन सांसदहरूलाई अनुरोध गर्दै प्रदर्शनीमार्गबाट सन्देश पठाउने बताएका छन्।